Заложбите за поквалитетен систем за јавни набавки се една од нашите основни цели, па така сметаме дека донесената „Стратегија за унапредување на системот за јавни набавки во Република Северна Македонија за периодот 2022 – 2026 година“ од страна на Бирото за јавни набавки, е од огромно значење за системот за јавни набавки во целина.
Оваа Стратегија предвидува унапредувањето и подобрување на системот за јавни набавки во неколку клучни сегменти и тоа по однос на :
- Унапредување на правната рамка,
- Подобрување на институционалната рамка и координација помеѓу државните институции,
- Унапредување на функционалностите на електронскиот систем за јавни набавки,
- Овозможување на предуслови за целосна функционалност на Е-пазарот на набавки од мала вредност,
- Усогласување на јавно-приватното партнерство и концесиите со ЕУ Директивите,
- Подобрување на мерките за борба против корупција,
- Актуелизирање на еколошките и социјално одговорни јавни набавки,
- Зајакнување на административните капацитети, обезбедување на професионална обука на лица кои работат во областа на јавните набавки и промоција на професијата ин.
По однос на имплементацијата на донесената „Стратегија за унапредување на системот за јавни набавки во Република Северна Македонија за периодот 2022 – 2026 година“ донесен е и Акциски план за спроведување на Стратегијата во 2022 година.
Искрено се надеваме, дека поголем дел од акциските планови ќе бидат навремено спроведени, а во интерес на професионалната заедница и сите инволвирани субјекти во системот за јавни набавки.