Како да се унапредат административните капацитети во јавните набавки ?

Водејќи се од основните начела во јавните набавки, секој од нас има индивидуална улога во унапредување на системот за јавни набавки и промовирање на систем кој обезбедува рационалност, ефикасност и транспарентност при спроведувањето на јавните набавки. Индивидуалниот придонес на стручните лица за јавни набавки, членовите на комисиите за јавни набавки, одговорните лица, лицата од економските оператори, заедно со претставниците на стручната заедница, претставниците на Бирото за јавни набавки и Државната комисија за жалби по јавни набавки, е од исклучително значење за промовирање на квалитетен и правичен систем за јавни набавки.

Имајќи предвид дека неопходно за унапредување на „административниот капацитет“ се знаењето и мотивацијата на инволвираните лица во системот за јавни набавки, Бирото за јавни набавки во „Стратегија за унапредување на системот за јавни набавки во Република Северна Македонија за периодот 2022 – 2026 година“, предвидува постигнување на посебни резултати по однос на „административниот капацитет“ и тоа преку:

• Зајакнување на статусот на БЈН и ДКЖЈН и воведување финансиски стимулации за
  нивните вработени;
• Подобрување на позицијата на службениците за јавни набавки и креирање на
  поисполнителен план за надоместок;
• Подобрување на системот за обука во полето на јавните набавки, јавното-приватно
  партнерство и концесиите преку развивање на нови алатки за стекнување на
  теоретско и практично знаење, професионални вештини и компетенции за
  професионално, економично, ефикасно и ефективно спроведување на постапките за
  јавни набавки на сите нивоа;
• Зајакнување на капацитетите на договорните органи и економските оператори на
  локално ниво и
• Стимулирање на заеднички набавки, особено во малите општини во коишто има
  неколку договорни органи со недоволен број на луѓе за спроведување на индивидуални
  јавни набавки.

Како главни методи и мерки за постигнување на поставените цели и планираните резултати се:

• Овозможување на законски претпоставки за зголемување на платите за
  службениците во БЈН и ДКЖЈН;
• Овозможување на законски претпоставки за зголемување на платите за лицата кои
  работат во областа на јавни набавки (комисии и лица за јавни набавки);
• Дефинирање на надлежностите и целите на учење што треба да се постигнат, со
  посебен акцент на вештините кои треба да ги поседуваат различните засегнати
  страни;
• Врз основа на овие резултати, да се прилагоди законската рамка со цел да се изготви
  нова наставна програма за ресертификација;
• Спроведување на обука за обучувачи во согласност со потребите на новата наставна
  програма и
• Изготвување на наставниот план и материјалите за обука и спроведување на
  работилници за раководните структури во институциите.

Конечно, ЕКСПЕРТСКИ СОВЕТИ ЗА ЈАВНИ НАБАВКИ како професионален и стручен сервис за јавни набавки, се залага за унапредување и афирмација на професијата и дава целосна поддршка за остварување на поставените цели од страна на Бирото за јавни набавки.