ICLEI (Local Governments for Sustainability) e основана во 1990 година како Меѓународен совет за локални еколошки иницијативи и денес е водечка мрежа на единици на локална самоуправа и регионални влади во светот која е посветена на одржлив развој. ICLEI (Local Governments for Sustainability) се залага за локална акција и поттикнување на глобални промени кај раководствата на единиците на локалната самоуправа и регионалните влади, со цел да им се овозможи на истите да направат “суштинска разлика“ при решавањето на комплексните еколошки, економски и социјални предизвици.
Сите членови на оваа глобална мрежа, преку заедничко дејствување, учење и силни партнерства, допринесуваат за забрзан и одржлив локален развој и создавање на вистински промени на терен. Од 1992 година, Европскиот секретаријат на ICLEI тесно соработува со вмрежените градови од Европа, Блискиот Исток и Западна Азија и работи со своите над 80 професионалци за одржливост, а координацијата се врши од канцелариите на ICLEI во Фрајбург (Германија), Берлин (Германија) и Брисел (Белгија).
Оваа мрежа на локалните власти за одржливост како глобална мрежа, сочинува повеќе од 2500 единици на локална самоуправа и регионални влади кои се посветени на одржлив урбан развој, а застапена е во повеќе од 125 држави во светот. ICLEI преку политика на одржливост и поттикнување силно влијае на активностите насочени кон ниска емисија на ЦО2, заштита на животната средина, рамномерен и одржлив развој.
Така, од 1996 година, мрежата на ICLEI активно се залага за промовирање и демонстрирање на вредности за одржливи, иновативни, циклусни и стратешките набавки, како и обезбедување на професионални информации, совети, можности за вмрежување, обука и алатки наменети за јавните власти кои имаат за цел имплементирање на подобри и поефикасни практики за јавни набавки. Во досегашниот период ICLEI е инцијатор на голем број на меѓународни иницијативи за поддршка на одржливите јавни набавки и активно работи на терен со јавните власти за спроведување на подобри практики во областа на јавните набавки.
Во Европа ICLEI свои членови има во: Албанија, Ерменија, Австрија, Белгија, Босна и Херцеговина, Бугарија, Хрватска, Кипар, Чешка, Данска, Естонија, Финска, Франција, Германија, Грција, Унгарија, Ирска, Италија, Литванија, Луксембург, Холандија, Норвешка, Полска, Португалија, Романија, Србија, Словенија, Шпанија, Шведска, Швајцарија, Турција, Велика Британија, но не и во Македонија.
ЕКСПЕРТСКИ СОВЕТИ ЗА ЈАВНИ НАБАВКИ за сите заинтересирани претставници на единиците на локалната самоуправа, јавните претпријатија и останатите правни субјекти од локалната власт, им препорачува да ја разгледаат можноста за активна партиципација во ICLEI мрежата како Соработник/Партнер или Член на ICLEI. Пристапувањето е возможно преку пополнување на содветната Апликација за членство, а за повеќе информации во врска со одржливите јавни набавки и нивната практична примена пишете ни на нашиот мејл soveti@esjn.mk.